2022 жылғы 16–19 маусым аралығында Алматы облысы, Лепсі ауылында LEPSI–2022 мал шаруашылығы ауыл шаруашылығы көрмесі ұйымдастырылды. Іс-шараны «Қазақстанның республикалық Ангус палатасы», «ZherSu» инженерлік-практикалық кешені және «Архарлы-Майбүйрек» ЖШС бірлесіп ұйымдастырды.
Көрмеге Қазақстанның барлық өңірлерінен шамамен 3000 фермер, сондай-ақ АҚШ, Румыния, Чехия, Ресей, Өзбекстан, Канада және басқа да елдерден келген шетелдік қонақтар қатысты. LEPSI–2022 көрмесінің қорытындысы ретінде Ангус, Герефорд, Ақбас, Қалмақ және Лимузин тұқымдары бойынша ірі қара мал көрме-байқауы өткізілді.
Байқау қорытындысында барлық тұқымдар арасында «Абсолютті чемпион – 2022» атағына «Мамбетов және К» КС шаруашылығының «Барон» атты бұқасы ие болды.
* Санаты – І санат;
* Салмағы – 632 кг;
* Жасы – 17 ай.
Осы жеңістің нәтижесінде серіктестік бас жүлде – автокөлікке ие болды. Көрмені жоғары деңгейде ұйымдастырғаны үшін «Қазақстанның республикалық Ангус палатасына», «ZherSu» ИПК-не және «Архарлы-Майбүйрек» ЖШС-не алғысымызды білдіреміз.
